Тошкент шаҳрида фаолият кўрсатувчи «Камол» (номи ўзгартирилган) масъулияти чекланган жамият директори “O’zzoovetta’minothizmat” давлат унитар корхонаси томонидан шартнома шартлари бажарилмаётганлиги юзасидан Бизнес-омбудсманга мурожаат қилди.

Аниқланишича, 2023 йил 25 апрель куни жамият ва корхона ўртасида 1 дона инсинераторни 265 млн сўмга етказиб бериш бўйича шартнома тузилган.

Корхона томонидан қарийб 80 млн сўмлик (30 фоиз) дастлабки тўлов амалга оширилган. Маҳсулот етказиб берилгандан сўнг қолган 70% тўлов 60 кун ичида амалга оширилиши шартномада белгиланган.

Ушбу маҳсулот корхонага етказиб берилган бўлса-да, лекин қолган 185 млн сўмлик қарздорлик тўлаб берилмаган.

Бизнес-омбудсман тадбиркор манфаатида Тошкент туманлараро иқтисодий судига даъво аризаси билан мурожаат қилди. Суднинг қал қилув қарорига кўра, даъво талаблари тўлиқ қаноатлантирилди. Шу тариқа 6 ойдан бери пулини ололмасдан сарсон бўлиб юрган тадбиркорнинг мурожаати ижобий ҳал бўлди.