Андижон вилоятида фаолияти кўрсатувчи “Лочин” (номи ўзгартирилган) МЧЖ раҳбари Пахтаобод туман Тиббиёт бирлашмаси томонидан қарздорликни ундиришни сўраб Бизнес-омбудсманга мурожаат қилди.

        Аниқланишича, 2022 йилда Пахтаобод туман Тиббиёт бирлашмаси ва тадбиркор ўртасида беморларни иссиқ овқат билан таъминлаш бўйича хизмат кўрсатиш юзасидан 8 та шартнома имзоланиб, тарафлар ўртасида тегишли далолатномалар расмийлаштирилган.

        “Хўжалик юритувчи субъектлар фаолиятининг шартномавий-ҳуқуқий базаси тўғрисида”ги Қонуннинг 7-моддасига мувофиқ, тарафлар ўртасида тузилган хўжалик шартномалари бўйича зиммаларига олинган мажбуриятларни ўз вақтида ва тегишли тартибда бажаришлари шарт эканлиги белгиланган.

        Бизнес-омбудсман аралашуви билан Пахтаобод туман Тиббиёт бирлашмаси томонидан 200 млн сўм маблағ жамият ҳисоб рақамига ўтказиб берилиши таъминланди.