Бугун, 29 сентябрь куни Бизнес-омбудсман ўринбосари Жамшид Урунов Финляндиянинг Хельсинки университети қошидаги Қонун устуворлиги маркази директори Туйя Бракс хоним билан учрашди. 

Учрашувда Ўзбекистон ва Финляндия ўртасида қонун устуворлиги соҳасидаги ҳамкорликни кенгайтириш истиқболлари муҳокама қилинди. Хусусан, жамиятда ҳуқуқий онг ва ҳуқуқий маданиятни юксалтириш, ҳуқуқбузарликларга нисбатан муросасизлик муҳитини шакллантириш муҳим аҳамиятга эгалиги қайд этилди.

Шу муносабат билан келгусида қонун устуворлиги ва тадбиркорларнинг ҳуқуқларини ҳимоя қилишдаги тажрибаларни ўрганишга оид ҳамкорлик масалалари муҳокама қилинди.