Жорий йилнинг 17 июль куни ижтимоий тармоқларда Фарғона вилоятида фаолият юритувчи тадбиркорларнинг Қўқонда қайта қурилаётган бозор ҳашар усулида тадбиркорларга бўлиб берилаётганидан норозилиги ёритилди.

Мазкур мурожаат юзасидан қуйидагилар маълум қилинади.

Ўрганиш натижаларига кўра, Қўқон шаҳар ҳокимлиги томонидан «Ризқ Барака Савдо Комплекси»ни қайта қуриш мақсадида 26 млрд сўмга лойиҳа қилинган. Шундан 15 млрд сўм банк кредитлари, қолган 11 млрд сўм тадбиркор маблағлари ҳисобига амалга оширилиши режалаштирилган. Иш ҳажми катталиги боис қурилиш ишларига ҳашарчилар жалб қилинган. Ишчиларга бериладиган иш ҳақи ҳамда қурилиш материаллари тўлиқ бозор ҳисобидан қоплаб берилиши маълум қилинган.