Бизнес-омбудсман девони ходимлари Андижон шаҳридаги «BOBUR XBK» MЧЖ фаолияти билан танишди.

Мазкур корхона жинси маҳсулотларини ишлаб чиқаради ва 10 та бренд корхона билан шартнома имзолаган. Ишлаб чиқарилган маҳсулотлар 100 фоиз экспорт қилиниб, жорий йилнинг 1-чорагида 1 млн 600 минг AҚШ доллари миқдорида экспорт қилинган. Ҳозирда корхонанинг 850 нафар ходими мавжуд бўлиб, жорий йилда қўшимча 500 нафар иш ўринлари ташкил этиш режалаштирилган.

Шундан сўнг ваки девони ходимлари Андижон шаҳридаги Фармацевтика ЭИЗ (Фарм-зона)да фаолият кўрсатаётган тадбиркорлар билан учрашди. Жумладан, «Малика лабараториес» МЧЖ лойиҳасининг умумий қиймати 2,5 млн долларни ташкил этади. Бугунги кунда 75 нафар ишчи ходимлар меҳнат қилаётган корхонада 41 турдаги таблетка, капсула ва кукун кўринишидаги дори воситалари ишлаб чиқарилмоқда.