Маълумки, қонунчиликка кўра, (https://lex.uz/docs/5546373) кўчма савдо объектини жойлаштириш учун тадбиркорларга электрон онлайн-аукцион орқали 36 ойгача, айрим ҳудудлар учун эса кўпи билан 120 ойгача ижарага берилиши белгиланган.

Тегишли савдо жойида кўчма савдо объектини жойлаштириш муддати K-Savdo орқали икки мартагача узайтирилиши мумкин.

Ҳозирда K-Savdoда кўчма савдо объектини жойлаштириш муддатини узайтириш тўғрисидаги электрон бланкларни ишлаб чиқиш ишлари якунланмаганлиги сабабли айрим ҳолларда тадбиркорларга нисбатан маъмурий жарималар қўлланилиш ҳолати кузатилмоқда.

Ҳозирги кунда мазкур ҳолат Бизнес-омбудсман девони томонидан мутасадди ташкилотлар билан биргаликда  назоратга олинди.

Шу ўринда, давлат органларидан техник сабаблар бартараф қилингунига қадар шу каби ҳолатлар аниқланган тақдирда  тадбиркорлик субъектларига нисбатан   маъмурий жавобгарлик чорасини қўлламаслик сўралади.

Ҳурматли тадбиркорлар!

Юқоридаги каби ҳолатларга дуч келаётган бўлсангиз, Бизнес-омбудсманга 📞1100 қисқа рақами, ✉️ info@biznesvakil.uz электрон почтаси ёки тезкор мулоқот ўрнатиш учун яратилган Telegram гуруҳи (https://t.me/biznesombudsmangamurojaat) орқали мурожаат йўлланг!