Бугун, 29 май куни Бизнес-омбудсман девонида мамлакатимизнинг жадал суръатларда ривожланаётган маркетинг соҳаси вакиллари билан учрашув бўлиб ўтди. Унда маркетинг соҳасининг бугунги ҳолати, мавжуд муаммолар ва келгусидаги ривожланиш истиқболлари атрофлича муҳокама қилинди.

Мулоқот давомида рақамли маркетинг йўналишида солиқ ҳисоботларини топшириш тартибини соддалаштириш, ташқи реклама фаолиятини тартибга солувчи қонунчиликни такомиллаштириш каби таклифлар билдирилди.

Миллий статистика қўмитаси маълумотларига кўра, 2025 йилнинг 1 май ҳолатига реклама фаолияти ва бозор конъюнктурасини ўрганиш соҳасида 1 713 та тадбиркорлик субъектлари фаолият кўрсатмоқда. Бу кўрсаткич йил бошидан 120 тага ва ўтган йилнинг мос даврига нисбатан 7,7 фоизга ошган.