Бугун Бизнес-омбудсман девонида 8 март – Халқаро хотин-қизлар куни муносабати билан муҳтарама аёллар эътироф этилди.

Бизнес-омбудсман девони ходимлари ўз чиқишларида девон фаолияти ривожига улкан ҳисса қўшаётган жамоанинг нафис вакилларини байрам билан самимий қутладилар. Ҳар бир аёлнинг, уларнинг касби ва ёшидан қатъий назар, жамиятимиз ва оиламиздаги беқиёс ўрни алоҳида таъкидланди.

Азиз аёллар, мунис оналар ва гўзал опа-сингиллар!

Сизларни гўзаллик ва нафосат, меҳр-муҳаббат байрами билан чин қалбимиздан муборакбод этамиз! Ҳар бирингизга оилавий хотиржамлик, баҳорий кайфият, сиҳат-саломатлик ва бетакрор аёллик бахтини тилаймиз!